جامعہ بیت العتیق – جہاں زندگیاں بنتی ہیں

امتحانات کا موسم اور مدارس کی منفرد کیفیت جامعہ بیت العتیق — جہاں زندگیاں بنتی ہیں مدارس میں امتحانات صرف پرچوں، نمبروں اور نتائج کا نام نہیں ہوتے، بلکہ یہ محنت، دعا، امید، توکل اور استاد کی برسوں کی تربیت کا ایک حسین امتزاج ہوتے ہیں۔ جیسے کسی بڑے مقابلے سے پہلے کرکٹ یا فٹبال کی ٹیم میدان میں اترتی ہے تو کھلاڑیوں کے چہروں پر ذمہ داری، فکر اور دباؤ صاف محسوس ہوتا ہے، بالکل اسی طرح مدارس میں امتحانات کے دنوں میں ایک الگ ہی کیفیت پیدا ہوجاتی ہے۔ راہداریوں میں دہرائے جاتے اسباق، کمروں میں کھلی کتابیں، چلتے پھرتے سوالات کی تکرار، راتوں کی خاموشی میں جلتی ہوئی روشنیاں، اور طلبہ کے چہروں پر محنت و فکر کے آثار؛ یہ سب مل کر مدارس کے امتحانی ماحول کو ایک خاص رنگ عطا کرتے ہیں۔ یہ کیفیت وہی سمجھ سکتا ہے جس نے مدرسے کے شب و روز دیکھے ہوں، کتابوں کے ساتھ زندگی گزاری ہو، اور امتحان کے دنوں میں دعا اور محنت کا ذائقہ چکھا ہو۔ الحمدللہ، جامعہ بیت العتیق میں بھی سالانہ امتحانات کا سلسلہ شروع ہونے والا ہے۔ جامعہ کے مختلف شعبہ جات ...